ပအိုဝ်းအမျိုးသားအလံတော်
Download
ပအိုဝ်းတိုင်းရင်းသားတို့၏ ရာသီပွဲတော်များ
Published April 27, 2010 | 
ပအိုဝ်း တိုင်းရင်းသားတို့တွင် ဆယ့်နှစ်ရာသီလုံး ပွဲတော်များ ရှိလေသည်။ ဆယ့်နှစ်ရာသီ ပွဲတော်များအနက် သင်္ကြန်ပွဲ၊ ဝါကျွတ်ပွဲ၊ ကထိန်ပွဲများကိုသာ ခမ်းခမ်းနားနား၊ သိုင်းသိုင်းဝိုင်းဝိုင်း ကျင်းပကြသည်။ အခြားလများတွင်လည်း ရာသီအလိုက် ပွဲတော်များ ကျင်းပကြ၏။
နှစ်သစ်သို့ ကူးပြောင်းချိန်ဖြစ်သော အတာသင်္ကြန်ရက်များတွင်လည်း ပအိုဝ်းတိုင်းရင်းသား များသည် မြန်မာများနည်းတူ သင်္ကြန်ပွဲတော်ကို နွှဲပျော်ကြသည်။ သင်္ကြန်အကျရက်မှ နှစ်ဆန်းတစ်ရက်နေ့အထိ တစ်အိမ်တက် တစ်အိမ်ဆင်းကာ ကန်တော့ပွဲများဖြင့် ရွာအတွင်းရှိ သက်ကြီးရွယ်အိုများကို သွားရောက်ကန်တော့ကြသည်။ အသက်အရွယ်မကြီးသော်လည်း ဥပုသ်သီလ ဆောက်တည်ကြသူများကို အကန်တော့ခံ ပုဂ္ဂိုလ်အဖြစ် သတ်မှတ်ကာ ကန်တော့ကြသည်။
ပအိုဝ်းတိုင်းရင်းသားတို့၏ ဒုံးလွှတ်ဓလေ့ (ဇာတ်သိမ်း)
Published April 27, 2010 | ——>>> ဒုံးလွှတ်ပွဲ အနိုင်အရှုံး
ရှေးက ဘုရားကို ရှို့လွှတ်ပူဇော်သည့်ပွဲအဖြစ် အမြင့်ဆုံးရောက်အောင်ရှို့လွှတ်ကြ၏။ ထိုသို့ ရှို့လွှတ်ရာတွင် အသံစုံ ” ဝီ ၊ ဝီ ” ထွက်စေရန်အတွက် ဝါးပြောင်းငယ် တိုရှည်များကို ထိပ်ပိုင်းတွင် တပ်ဆင်ကြ၏။ သို့သော် ယခုအခါတွင် အမြင့်သို့ မရှို့လွှတ်တော့သဖြင့် မတွေ့ရတော့ပဲ မည်သူ့ဒုံး အဝေးရောက်သည်ကိုယှဉ်ပြိုင်ကြ၏။ အဝေးလွှတ်ကို ယှဉ်ပြိုင် သည့်ဒုံးသည် ဒုံးမလွှတ်ခင် ဆုကြေးငွေ ကိုထည့်ရ၏။ ပင်လောင်းမြို့နယ်တွင် နာမည်ကြီးဒုံးသည် အခြားဒုံးများထက် ဆုကြေးပိုထည့်ရ၏။ ပင်လောင်းမြို့နယ်တွင် နာမည်ကြီးဒုံးများမှာ ” ရွိုင်၊ ဘရားဗွာ၊ ကော်သာရွေး” တို့ဖြစ်ကြ၏။ ယခင်က ဒုံးအနိုင်အရှုံးကို ဆုံးဖြတ်ရာတွင် ရှေ့ပိတ်ဟူသော စကားလုံးကိုသုံးကြသည်။ ရှေ့ပိတ် ဟူသောအဓိပ္ပာယ်မှာ ဒုံးနှစ်လုံးကို တောင်အရပ်မှနေ၍ မြောက်အရပ်သို့လွှတ်လိုက်ရာ ဒုံးတစ်လုံးသည် မြောက်စူးစူးသို့သွားပြီး ကျန်တစ်လုံးသည် အရှေ့မြောက်စူးစူးသို့ သွားသည်ဆိုပါစို့ ဒုံးနှစ်လုံးသည် တစ်တန်းတည်းကျနေလျှင် အရှေ့မြောက်စူးစူးသို့သွားသောဒုံးသည် မြောက်စူးစူးသို့ သွားသောဒုံးထက် ပို၍ဝေး၏။ သို့သော်လည်း ရှေ့ပိတ်ဟူသော ဒုံးဥပဒေကြောင့် အရှေ့မြောက်စူးစူးသို့ သွားသောဒုံးသည် ဝေးပင်ဝေးသော်လည်း မြောက်စူးစူးသို့ သွားသော ဒုံးကိုမနိုင်ချေ။
သမိုင်းထဲက ပအိုဝ်းများ (၁၃)
Published April 25, 2010 | ရာဇကုမာရ၏ ဂူပြောက်ကြီး (မြစေတီ)ကျောက်စာတွင် ပျူဘာသာကို နေရာပေးဝံ့ခြင်းမှာ ရာဇကုမာရကိုယ်တိုင် ပျူသွေးမကင်း သောကြောင့်ဖြစ်သည်။ သူ့မိခင် သမထီးတူမ သမ္ဘူလမှာ ပအိုဝ်းတိုင်းရင်းသားတို့ အဆိုအရ လွယ်လုံ(ပင်လောင်း)သူ ဖြစ်ကြောင်း သိရသည်။ မွန်စာကို အဓိကထား နေရာပေးလေ့ရှိသော ခမည်းတော် ကျန်စစ်သားမင်းကြီး နတ်ရွာစံခါနီးအချိန်တွင် မယ်တော်သမ္ဘူလထံမှ ရရှိသော အမွေပစ္စည်းများကို ထုခွဲကာ ခမည်းတော် ကုသိုလ်ပွားစိမ့်သောငှါ ရွှေဆင်းထုတော်တစ်ဆူ ရေစက်သွန်းချ လှူဒါန်းပေးပြီး ဘုရားစေတီတည် ကိုးကွယ်ခဲ့လေသည်။ ထိုစေတီ၌ ပျူစာတစ်ဘက် ပါဝင်သော လေးဘာသာ လေးမျက်နှာ ကျောက်စာတိုင်များကို စိုက်ထူခဲ့လေသည်။
ပျူစာအရေးအသားမှာ ထိုကျောက်စာသည် နောက်ဆုံးဖြစ်သော အရေးအသားအဖြစ် အထောက်အထား ပြုကြသည်။ သထုံသည် တောင်သူပအူမင်းတို့ စိုးစံကြောင်း သိကြသော်လည်း ပျူလူမျိုးများသာဖြစ်ကြောင်း အထင်အရှားမပြဆိုခဲ့ကြပေ။ ပျူနိုင်ငံ၊ ပျူတိုင်းပြည်ဖြစ်သော သရေခေတ္တရာမှာ သုဝဏ္ဏဘူမိသထုံမှ သွားရောက်တည်ထောင်ခဲ့သော အဆိုရှိသည်။ ကျန်စစ်သားမင်း၏ ကျောက်စာအလိုအရ သရေခေတ္တရာမြို့ကို ပထမတည်ထောင်သူမှာ ဗိဿနိုးရသေ့ကြီး ဖြစ်သည်။ တည်ထောင်သောနှစ်မှာ မြတ်စွာဘုရား ပရိနိဗ္ဗာန် စံယူသောနှစ် သာသနာနှစ်(၁) ဖြစ်၏။ သာသနာနှစ်(၁၀၁)တွင် တည်သည်ဟုလည်း ယူဆချက်ကွဲလွဲမှု ရှိသည်။
သမိုင်းထဲက ပအိုဝ်းများ (၁၂)
Published April 16, 2010 | အနော်ရထာမင်းမြတ် သထုံပြည်ကြီးကို တိုက်ရသည့် အဓိကအကြောင်းရင်းမှာ ပိဋကတ်သုံးပုံရလိုမှုဟု အသိများကြသည်။ ထိုတိုက်ပွဲအတွက် သရေခေတ္တရာသည် ပုဂံတပ်မတော်၏ အောက်ပြည်အောက်ရွာချီ ခရီးတွင် အတားအဆီး အခုအခံ ဖြစ်နေသည်မှာကြာပြီဖြစ်သည်။ ထို့ကြောင့် အနော်ရထာမင်းတရားသည် နန်းတတ်စ အချိန်ကပင် သရေခေတ္တရာသို့ ပုဂံတပ်များစေလွှတ်၍ သိမ်းသွင်းထားခဲ့သည်။ ပျူမင်းကို ထိန်းသိမ်းထားပြီး ပုန်ကန်တော်လှန်မည့် အခြေအနေ မဖြစ်ပေါ်စေရန် အောက်ခြေမှစ၍ ဖြိုချထားခဲ့သည်။ ထို့နောက် ပုဂံတပ်မတော်သည် သရေခေတ္တရာ၏ အရှေ့တောင်ဘက် (ယခုခေတ်မိုင် ၁၇၀ခန့်) တွင်ရှိသော ကြပင်း (က္လပင်း)သို့ ဆက်၍ချီသည်။ ကြပင်းဆိုသည်မှာ ယနေ့ တွံတေးမြို့၏ အရှေ့ဘက် (၄)မိုင်ခန့်အကွာ ကန်ပဲ့ရွာအနီးမှာရှိသည်။ မြို့ရိုးမြို့တာနှင့် အခိုင်အခန့် ရှိခဲ့သော ရှေးခေတ်ဟောင်း မြို့တစ်မြို့ဖြစ်သည်။
ကြပင်းဆိုသည်မှာ သရေခေတ္တရာပျက်စဉ် ပျူအုပ်စုသုံးစုကွဲရာ တစ်အုပ်စုခိုဝင်ခဲ့သောအရပ် ဖြစ်သည်။ ကြပင်း(က္လပင်း)မှာ ဒလဟူသောစကားနှင့် အဓိပ္ပါယ်တူသည့် ပျူဝေါဟာရစကားဖြစ်သည်။ အောက်အရပ်ဒေသဟု ဆိုလိုသည်။ သထုံမှ တောင်သူလူမျိုးတို့၏ အခြေခံအင်အားစုများကို ကြိုတင်ဖြိုခွင်းသော အနော်ရထာမင်း၏ တိုက်ခိုက်မှု စွမ်းရည်ပြည့်ဝသော လုပ်ရပ်ဖြစ်လေသည်။
သထုံပျက်လေပြီ။ အနော်ရထာမင်းမြတ်သည် ပိဋကတ်တော်အစုံ(၃၀)ကို ဆင်ဖြူ (၃၂)စီးတွင်တင်၍ နေပြည်တော်ပုဂံသို့ ပင့်လေသည်။ ထို့ပြင် ပိဋကတ်တတ်သော သူတော်စင်အရိယာ တစ်ထောင် တို့ကိုပါပင့်ခဲ့သည်ဟု သမိုင်းကဆို၏။ ဤစစ်ပွဲတွင် မှတ်သားဖွယ်တစ်ချက်မှာ ပါဠိဘာသာကျမ်းစာများကိုသာ ယူဆောင်၍ ကျန်မွန်ဘာသာကျမ်းများကို မီးရှို့ခဲ့သည်ဟုဆိုသော အချက်ပင်ဖြစ်ပေသည်။ HTIN AUNG Dr Burmese Drama (Oxford: OUP 1956) Px1
သမိုင်းထဲက ပအိုဝ်းများ (၁၁)
Published April 16, 2010 | ဗိဿနိုး၊ သရေခေတ္တရာနှင့် သုဝဏ္ဏသထုံမြို့ကြီးများ ပျက်စီးခဲ့ရသောအခါတွင် ပျူပအိုဝ်းတို့သည် စစ်ဘေးစစ်ဒဏ် အခိုက်အတန့် ကင်းဝေးရာ တောင်ပေါ်မြေ ဒေသများဆီသို့ ပြေးဝင် ခိုလှုံခဲ့ကြမည်မှာ အမှန်မလွဲပါချေ။ တောင်ပေါ်မြေဒေသတွင် အခြေချ နေထိုင်ခဲ့ရင်းစွဲရှိ၍သာ မျိုးနွယ်တူများ စစ်ဘေးစစ်ဒဏ် သင့်လေတိုင်း လာရောက်ခိုအောင်းခွင့် ရနိုင်ကြခြင်းဖြစ်သည်။ ဘိုးတော်ဘုရား လက်ထက်တွင် သထုံကလေးဟု သမုတ်ခေါ်တွင်ပေးနိုင်ခဲ့ခြင်းမှာ သထုံကြီးခေါ် သုဝဏ္ဏဘူမိတိုင်း၏ လက်အောက်ခံ နယ်မြေဖြစ်ခဲ့ခြင်း ကြောင့်ဖြစ်သည်။ တစ်ခြားသောသူတို့၏ နယ်မြေဖြစ်ပါက ပအိုဝ်းများအလွယ်တကူ အခြေချနိုင်ခဲ့ကြမည် မဟုတ်ပေ။ ခရစ်မပေါ်မီနှင့် ခရစ်ပေါ်ပြီး အေဒီ(၇)ရာစုအထိ ထိုဒေသများသည် ပျူတို့၏ ဒေသဖြစ်ကြောင်း အထက်၌ ဖော်ပြခဲ့ပြီးဖြစ်သည်။
ပအိုဝ်းတိုင်းရင်းသား မင်းတို့၏ ဗဟိုအာဏာစက်တည်ခဲ့ရာ မင်းနေပြည်တော်သည် သုဝဏ္ဏဘူမိခေါ် သထုံဖြစ်သည်။ သထုံနှင့် တကောင်းဆက်ဆံရေး သမိုင်းသက်သေ၊ တကောင်းကို နန်ချောင်တို့ ၀င်တိုက်ခိုက် ဖျက်ဆီးသဖြင့် ပျက်စီးခဲ့ရသကဲ့သို့ သထုံသို့လည်း ဆင်းတိုက်သဖြင့် ထိခိုက်နစ်နာခဲ့ရသည်။ ပအိုဝ်းတို့၏ သုဝဏ္ဏဘူမိသထုံ ပအိုဝ်းတိုင်းရင်းသားဟူသော အမည်နာမ စတင်ထင်ရှားလာသော ဘုံဌာနသည် သုဝဏ္ဏဘူမိခေါ် သထုံဒေသဖြစ်သည်။ ပအိုဝ်းတိုင်းရင်းသားများကို ရှေးကတောင်သူလူမျိုးများဟု လူသိများခဲ့သည်။ ပအူ၊ ပအို၊ ပွာအို၊ ဘအု၊ ဖအို၊ ပအု၊ ပအို့ စသည်ဖြင့် အမျိုးမျိုး ရေးသားမှတ်တမ်း တင်ခဲ့ကြသည်။ သုဝဏ္ဏဘူမိ၏ သမိုင်းဦးခေတ်သည် တောင်သူပအူလူမျိုးတို့၏ သမိုင်းဖြစ်သည်။ နှောင်းပိုင်းကာလသည် မွန်တို့ သြဇာလွှမ်းမိုးသောကာလ ဖြစ်ခဲ့သည်။
အကြိုက်ဆုံး တေးသီချင်း (ခွန်သာဒွန်း)
Published April 5, 2010 | Post ခေါင်းစဉ်ကို အကြိုက်ဆုံးတေးသီချင်းလို့ အမည်ပေးရတဲ့ အကြောင်းအရင်းက ဒီလိုရှိပါတယ်။ ခွန်သာဒွန်းဟာ သီချင်းရေးဆရာ တစ်ဦး (သို့) ဂီတမှူး တစ်ဦးဖြစ်ပြီး တေးသီချင်း အရေးအသားတွေမှာ တစ်ဖက်ကမ်းခပ် ကျွမ်းကျင်သော မျိုးချစ်ပုဂ္ဂိုလ်တစ်ဦး ဖြစ်တယ်လို့ အဖိုးအဖွား၊ မိဘများထံမှတစ်ဆင့် ကြားသိလေ့လာ ဖူးပါတယ်။ ခွန်သာဒွန်း၏ ရေးသားချက် ပြောင်မြောက်မှုကို သီချင်းနားဆင် ခံစားဖူးသူတိုင်း ထင်ရှားစွာ သိမြင်နိုင်ပါတယ် .. ။ ကျနော်တို့ရဲ့ မျိုးချစ်ပုဂ္ဂိုလ်ကြီး ခွန်သာဒွန်းဟာဆိုရင် ကံမကောင်းစွာ ကွယ်လွန်သွားခဲ့ပေမယ့် ပအိုဝ်းလူမျိုးတိုင်းရဲ့ နှလုံးသားမှာ ယနေ့တိုင်အထိ ရှင်သန်ဆဲ ဖြစ်တယ်ဆိုတာ စာရေးသူ ပြောနေဖို့တောင် မလိုဘူးထင်ပါတယ်။
စာရေးသူငယ်စဉ်ဘ၀မှ ယနေ့တိုင်အထိ အကြိုက်ဆုံး ပအိုဝ်းတေးသီချင်းခွေကို ပြောပြပါဆိုခဲ့လျှင် (ခွန်သာဒွန်း) ရေးသားခဲ့တဲ့ (နွိုးဟွမ်တာ;သေ; ဝေးခွန်ဗွေ;) ဆိုတဲ့ တေးသီချင်းခွေပဲ ဖြစ်တယ်လို့ ဖြေကြားမိမှာ အမှန်ပါပဲခင်ဗျာ။ ခေတ်ရေစီးကြောင်းအရ တေးသီချင်းသစ်များစွာ ထွက်ပေါ်လာပေမယ့် ခွန်သာဒွန်းရဲ့ တေးသီချင်းများဟာ Still Unique ပါပဲ။
ပအိုဝ်းတိုင်းရင်းသားတို့၏ ဒုံးလွှတ်ဓလေ့ (၆)
Published April 5, 2010 | ဒုံးကို လူနေအိမ်ခြေမရှိသည့် ကွင်းပြင်သို့သာ ပစ်လွှတ်ကြ၏။ ဒုံးလွှတ်ပွဲ ကျင်းပရန် တာဝန်ယူ ထားသည့်ရွာသည် တစ်ရွာလျှင်တစ်လုံးကျ မိမိကြိုက်နှစ်သက်သည့် ဒုံးဆရာကို ခိုင်းနိုင်၏။ ဒုံးကြီး တစ်လုံးကို ကျပ် ၆ဝဝဝမှ ၁ဝဝဝဝ ထိပေးရ၏။ နာမည်ကြီး လွိုင်ကော်/ရွိုင်/ဘုရားဗွာ (ဘုရားဖြူ) ၊ တောင်ကြီး၊ ကော်သာရွေးဒုံးများမှာ ၈ဝဝဝ ကျော် ပေးရ၏။ ဒုံးလွှတ်ပွဲ ကျင်းပသည့်နေ့ ၁၂ နာရီလောက် တွင် မိမိတို့ဒုံးများကိုထမ်းကာ စေတီကို သုံးပတ်ပတ်ကြ၏။ အားအင်ပြည့်ဖြိုး၍ သန်မာထွားကျိုင်းသူ သည် ဒုံးကိုထမ်းရ၏။ အချို့ရွာမှ မထမ်းနိုင်သူများသည် ဗလကောင်းသူကို ၅ဝကျပ်လောက်ပေး၍ ငှားထမ်းကြ၏။ သို့သော်နည်း၏။ မိမိတို့ဘာသာ ထမ်းကြသည်ကများလေသည်။
Recent Comments