ရှမ်းပြည်နယ်တောင်ပိုင်းရှိ ပအိုဝ်းတိုင်းရင်းသား တို့သည် အနက် (သို့) နက်ပြာရောင်ဝတ်စုံကို အများဆုံးဝတ်ဆင်ကြသည်။ အောက်မြန်မာပြည်ရှိ ပအိုဝ်းတိုင်းရင်းသား တို့မူကား ဗမာ လူမျိုးကဲ့သို့ ဝတ်ဆင်ကြသည်က များလေသည်။ အနက်ရောင်၊ နက်ပြာရောင် ဝတ်ဆင်ကြခြင်းမှာ အနက်ရောင်သည် အပူကို စုပ်ယူနိုင်ခြင်း၊ အေးသောရာသီဥတုဒဏ်ကို ကာကွယ်နိုင်ခြင်း၊ ပေရေစွန်းထင်းမှု သက်သာခြင်း စသည်တို့ကြောင့်ပင် ဖြစ်သည်။ ထို့ပြင် ပအိုဝ်းတိုင်းရင်းသား တို့သည် အများအားဖြင့် မြင့်သောတောင်ပေါ်ဒေသတွင် နေထိုင်ကြသဖြင့် အအေးဒဏ်ကို ကာကွယ်နိုင်ရန်အတွက် အနက်ရောင် ဝတ်စုံကို ဝတ်ဆင်ကြခြင်း ဖြစ်၏။ အနက်ရောင်သည် ပအိုဝ်းတိုင်းရင်းသားတို့၏ မူပိုင်အရောင်ပင် ဖြစ်လေသည်။

အနက်ရောင်၊ နက်ပြာရောင်ဝတ်စုံကို ဝတ်ဆင်ရာတွင် အဖိုးထိုက်တန်သော သက္ကလပ်များကို အထူးအလေးပေး ဝတ်ဆင်ကြ၏။ အမျိုးသား၊ အမျိုးသမီး ဝတ်စုံတစ်စုံသည် ယခုကာလ ဈေးနှုန်းအားဖြင့် ငါးသောင်းကျပ်ခန့်ရှိလေသည်။ အနက်ရောင်၊ နက်ပြာရောင် ဝတ်စုံကို ညီညာစွာ ဝတ်ဆင်ကြသဖြင့် ဂုဏ်တု ဂုဏ်ပြိုင် ကင်းသည်ကို တွေ့ရပေသည်။

အမျိုးသားဝတ်စုံ

ပအိုဝ်းအမျိုးသားများသည် ဘောင်းဘီပွ၊ အပေါ်အင်္ကျီ (တိုက်ပုံ အင်္ကျီ) အနက်ရောင်၊ နက်ပြာရောင် ဝတ်ဆင်ပြီး အတွင်းတွင် အဖြူရောင်ရှပ်အင်္ကျီကို ဝတ်ဆင်ကြသည်။ ထိုင်းနိုင်ငံနှင့် တရုတ်နိုင်ငံ မှလာသော ခေါင်းပေါင်းရောင်စုံကို ပေါင်းထားကြပြီး ပခုံးထက်တွင် တောင်းပို ခေါ် လွယ်အိတ်ကို လွယ်လေ့ရှိသည်။

အမျိုးသမီးဝတ်စုံ

ပအိုဝ်းအမျိုးသမီးဝတ်စုံမှာ အခြာတိုင်းရင်းသူများနှင့် မတူဘဲ ထူးခြားလျှက်ရှိ၏။ ပအိုဝ်း တိုင်းရင်းသားတို့သည် အဖ ဝိဇ္ဇာဇော်ဂျီ၊ အမိ နဂါးမမှ ဆင်းသက်လာသည်ဟု ယုံကြည် ယူဆထားသဖြင့် အမျိုးသမီးများ၏ ဆင်ယင်ထုံးဖွဲ့ပုံသည် နဂါးမနှင့်တူလှသည်ကို တွေ့ရပေသည်။

ပအိုဝ်းအမျိုးသမီးဝတ်စုံတွင် ခေါင်းပေါင်းပဝါ အပါအဝင် အင်္ဂါငါးရပ်ရှိသည်ကို တွေ့ရသည်။ ၄င်းတို့မှာ အနက် သို့မဟုတ် နက်ပြာရောင် သင်တိုင်းအင်္ကျီ၊ အင်္ကျီလက်ရှည်၊ ထမီ၊ ခြေသလုံးပတ် စသဖြင့် အဆင့်ဆင့် ဝတ်ဆင်ကြသည်။ ငွေကြေးတတ်နိုင်သူတို့က ရွှေဆံထိုး အချွန်နှင့် အဝိုင်းနှစ်ခုလုံး ဖြစ်စေ၊ တစ်ခုတည်း ဖြစ်စေ ဆံထိုးတွင်ထိုးစိုက် အလှဆင်ကြသည်။ ဆံထိုးအချွန်သည် ငှက်ပျောဖူး ပုံသဏ္ဍာန်ရှိပြီး၊ အဝိုင်းမှာ ကွမ်းသီးလုံး အရွယ် သဏ္ဍာန် ရှိလေသည်။ ဆံထိုးအချွန်သည် နဂါးမ၏ မျက်လုံးသဖွယ် အဖြစ်လည်းကောင်း ဆင်ယင် ကြခြင်းဖြစ်သည်။ ရွှေဆံထိုးကို ရွှေအနီရောင်တင်ထား၏။ “တောင်းပို” ခေါ် လွယ်အိတ်ဖြစ်စေ၊ “ဖော့” ခေါ် ပလိုင်းလုံးကိုဖြစ်စေ လွယ်လေ့ရှိသည်။

ရှမ်းပြည်တောင်ပိုင်းတွင် နေထိုင်ကြသော ပအိုဝ်းတိုင်းရင်းသားတို့သည် မိမိတို့၏ အနက်ရောင် ဝတ်စားဆင်ယင်မှုကို ခုံမင်နှစ်သက်စွာ ဝတ်ဆင်လျှက် ရှိကြသည်။ အထူးသဖြင့် အလှူပွဲ များကျင်းပချိန်တွင် အနက်ရောင်၊ နက်ပြာရောင်ဝတ်စုံများဖြင့် စည်းလုံးညီညွတ်စွာ တွေ့ရ ပေသည်။ အောက်မြန်မာပြည်တွင် နေထိုင်ကြသော ပအိုဝ်းတိုင်းရင်းသားများသည် ရိုးရာဝတ်စား ဆင်ယင်မှုနည်သည်ကို တွေ့ရသည်။ ယဉ်ကျေးမှုသည် လူမျိုးတစ်မျိုး၏ အသက်ဖြစ်သဖြင့် မိမိတို့လူမျိုး၏  ယဉ်ကျေးမှု မေတိမ်ကော မပျောက်ကွယ်စေရန် မိမိတို့လူမျိုး၏ ဘာသာစကားကို ပြောဆိုနိုင်ခြင်းနှင့် ဝတ်စားဆင်ယင်မှုဖြင့် ယဉ်ကျေးမှုကို ထိန်းသိမ်း စောင့်ရှောက်ရန် လိုအပ်ပေသည်။

ဝတ်စားဆင်ယင်မှုသည် အမျိုးသားတိုင်း၊ အမျိုးသမီးတိုင်း၏ ခန္ဓာကိုယ်တွင် ဆင်ယင်ရသော အဝတ်အထည်နှင့် လက်ဝတ်လည်ဆွဲ စသော အဆင်အယင်များကို ခေါ်သည်။ ပအိုဝ်း အမျိုးသားများ၏ ဝတ်စားဆင်ယင်မှုများမှာ တရုတ်ပြည်အချို့ဒေသများ၏ ဝတ်စားဆင်ယင်မှုများနှင့် ဆင်တူသည်။ အပေါ်တိုက်ပုံအင်္ကျီမှာ လေးထောင့်စပ် ပုံသဏ္ဍာန်ရှိပြီး ခါးအထိရှည်သည်။ ဘောင်းဘီမှာ အပွဖြစ်၍ ခါး၌အဝကျယ်သည်။ ပအိုဝ်းယောင်္ကျားကလေးများ မွေးစမှ (၅)နှစ် (၆) နှစ်အထိ သတ်မှတ်ချက်မရှိသော အင်္ကျီဘောင်းဘီများကို ဆင်မြန်းလေ့ရှိကြသည်။ အချို့ကလေး ငယ်များ၏  ဦးထုပ်မေးသိုင်းကြိုးများကို  ငွေကြိုးနှစ်ပင် သုံးပင်ဖြင့် ဆင်မြန်း လေ့ရှိကြသည်။ ရှေးခေတ် ပအိုဝ်းယောင်္ကျားကလေးများ၊ မိန်းကလေးများသည် နားဖောက်၍ နားတောင်းများ ဆင်မြန်းခဲ့ကြသော်လည်း ယခုခေတ်တွင် မိန်းကလေးများသာ ဖောက်ပြီး၊ ယောင်္ကျားကလေးများ အရွယ်ရောက်ချိန်တွင် ဘောင်းဘီနှင့် ခေါင်းပေါင်းသည် အဓိကဝတ်ဆင်ပြီး ပွဲလမ်းသဘင်များ၌သာ အပေါ်အင်္ကျီ (တိုက်ပုံ) ကို ဝတ်ဆင်ကြသည်။ အတွင်းခံအင်္ကျီအဖြစ် တီရှပ်ရောင်စုံများ၊ စပို့ရှပ်များ ဝတ်ဆင်လာကြသည်။

ရှေးကဒေသလုပ် သားရေဖိနပ်များစီးကြရာမှ ယခုအခါ ပြည်တွင်းပြည်ပဖြစ် ဖိနပ်များကို ချိန်ခါမရွေး စီးလာကြသည်။ အိမ်တိုင်းတွင် ဓား၊ ခမောက်များ ရှိကြပြီး၊ ၄င်းကို လယ်ယာ လုပ်ငန်းခွင်ဝင်ရာတွင် အများဆုံးအသုံးပြုသည်။ လွယ်အိတ်မျိုးစုံနှင့် ထီးမျိုးစုံသည် ပအိုဝ်း အမျိုးသား၊ အမျိုးသမီးများ အတွက် အသုံးများသော အသုံးအဆောင်ပစ္စည်း ဖြစ်သည်။ ငွေကြေးပြည့်စုံသူများသည် ဆွဲကြိုးများ၊ လက်စွပ်များ၊ ကျောက်ဖြင့် ကွင်းထားသော လက်စွပ်များကို ဝတ်ဆင်လေ့ ရှိကြသော်လည်း ယခုခေတ်လူငယ်များတွင် ထိုသို့သော အလေ့အထ တဖြည်းဖြည်း နည်းပါးလာကြောင်း တွေ့ရသည်။

ပအိုဝ်းမိန်းကလေးများ မွေးစမှ (၇)နှစ် (၈)နှစ်ထိ ဂါဝန်အနက်ရောင်ကို ဖြစ်စေ၊ နောက်ဆုံးပေါ် ရောင်စုံဂါဝန်များကို ဖြစ်စေ ဝတ်ဆင်ပေးလေ့ရှိကြသည်။ ၄င်းနောက် သတ်မှတ်ထားသော လူကြီးဝတ်စုံများကို ဆင်မြန်းလာကြသည်။ ပအိုဝ်းအမျိုးသမီးများ၏ အဓိကဝတ်စုံမှာ ခပ်ကျယ်ကျယ် ခပ်ပွပွရှိသည့် သင်တိုင်းများဖြစ်သည်။ လည်ပင်းနေရာတွင် အင်္ဂလိပ်အက္ခရာ ဗွီပုံသဏ္ဍာန် ရှေ့နောက် ဖောက်ထား၍ လက်မောင်းအဝကျယ် နှစ်ပေါက် ပါရှိသည်။ ကိုယ်အောက်ပိုင်းတွင် ဒူးအထိရှိသော ထမီကို အသုံးပြုဝတ်ဆင်လေ့ရှိသည်။ ဒူးအောက်ပိုင်း ခြေသလုံးပတ်လည်တွင် အဝတ်နက်စခေါ် (ခင်;လွမ်) ခြေပတ်ကို ကြိုးဖြင့် ချည်နှောင် ဝတ်ဆင်ကြသည်။ ရှေးအခါက လက်မောင်းစွပ် အစား အမျိုးသားတိုက်ပုံဆန်ဆန် ကော်လာသေး ခါးတို ဝတ်စုံကိုသာ အများဆုံး ဝတ်ဆင်လာကြသည်။ အမျိုးသမီးများသည် အမျိုးသားများနည်းတူ တဘက် ခေါင်းစီးကို စည်းလေ့ရှိကြသည်။ ဆံပင်ကို ငယ်ထိပ်တည့်တည့်တွင် ထုံးထားပြီး ဖက်ဖူးစောင်ဖြင့်ဖြစ်စေ၊ အဖြူ၊ အနီ၊ အကြား၊ အရောင်များဖြင့်ဖြစ်စေ၊ နောက်ဆုံးပေါ် ပြည်ပဖြစ် တဘက်အမျိုးမျိုးကို ဖြစ်စေ ခေါင်းပေါင်းအဖြစ် အသုံးပြုကြသည်။

အမျိုးသမီးများသည် ခေါင်းပေါင်းတဘက်များကို ပေါင်းထားကြသည့်အပြင် ရွှေဆံထိုးနှစ်ခု ကိုလည်း စိုက်ထိုးထားကြသည်။ အရွယ်ရောက်ချိန်မှစ၍ လက်ဝတ်ရတနာ ရွှေငွေများ ဆင်မြန်းလေ့ရှိကြသည်။ ငယ်စဉ်က ဖောက်ထားသော နားပေါက်များတွင် စက္ကူလိပ် နားတောင်း၊ ရွှေပြားလိပ်နားတောင်း၊ ရွှေနားတောင်းများကို ပန်ဆင်ကြသည်။ နားပေါက်ကျယ် ရှေးအမျိုးသမီး များမှာ ရွှေပြားလိပ်များကို ပန်ဆင်ကြပြီး နားပေါက်ကျဉ်းသူများမှာ နားသန်သီးကိုသာ ဆင်မြန်း လေ့ရှိကြသည်။ ရွှေလက်ကောက်၊ ငွေလက်ကောက်များကိုလည်း ပုံစံအမျိုးမျိုးဖြင့် ဝတ်ဆင်ကြကာ ဆွဲပြားများ၊ လက်စွပ်များ၊ ကျောက်သံပတ္တမြားစသည့် ရတနာ များကိုလည်း ငွေကြေးတတ်နိုင်မှု အလိုက် နှစ်ခြိုက်စွာဝတ်ဆင်လေ့ရှိကြသည်။ အမျိုးသမီးများသည် မကြာခဏ တရော်ဖြင့် ခေါင်းလျှော်၍ အုန်းဆီဖြင့် ဆံပင်ကို သလေ့ရှိသည်။

အလှဆီ ရေမွှေးများ အသုံးပြုမှု နည်းပါးသော်လည်း သနပ်ခါးကို လိမ်းကျံလေ့ရှိကြပြီး ပါးနီဆိုးသော အလေ့ အချို့နေရာများတွင် ရှိနေသေးသည်။ မြို့ပေါ်နှင့် မြို့ပတ်ဝန်းကျင်တွင် နေထိုင်ကြသော ခေတ်မီပအိုဝ်း အမျိုးသမီးများမှာမူ နောက်ဆုံးပေါ် အလှပြင်ပစ္စည်းများ အသုံးပြု နေကြမည်မှာ အထူးယုံမှားသံသယ ဖြစ်ဖွယ် မရှိတော့ပါ။ ပအိုဝ်းအမျိုးသမီးများ၏ ဝတ်စား ဆင်ယင်မှုများမှာ မျိုးနွယ်စု အလိုက်၊ ဒေသအလိုက်၊ အနည်းငယ်ကွဲပြား ခြားနားမှုရှိကြသည်။