ရှမ်းပြည်နယ်တောင်ပိုင်း တောင်ကြီးခရိုင်၊ ကျောက်တလုံးကြီးမြို့နယ်၌၊ ကက္ကူကျေးရွာအုပ်စု၊ ကက္ကူကျေးရွာတွင် တည်ရှိသော ရှေးဟောင်းသမိုင်းဝင် မွေတော်ကက္ကူဘုရားသည် ဒေသခံတိုင်းရင်းသား လူမျိုးများသာမက မြန်မာနိုင်ငံအရပ်ရပ်မှ ဘုရားဖူးများ ကမ္ဘာလှည့် ခရီးသည်များပါ စိတ်ဝင်စားပြီး လာရောက်ဖူးမြော် နေကြသော ဘုရားဖြစ်သည်။

မွေတော်ကက္ကူဘုရားသည် ဘီစီ (၂၆၈)အတွင်း ကမ္ဘာပေါ်တွင် အထင်ရှားဆုံး မင်းတစ်ပါးဖြစ်တော်မူသော မဂဓတိုင်း၊ ပါဋလိပုတ်ပြည်၊ မောရိယ မင်းဆက်ဖြစ်သော ဒေ၀ါနံပိယတိဿ ဘွဲ့ရသည့် သီရိဓမ္မ သောကမင်း၏ ကိုးတိုင်းကိုးဌာန သာသနာပြုချိန်မှစပြီး ယနေ့ထိတိုင်အောင် ကိုးကွယ်ပူဇော်လာခဲ့ကြသည့် ဘုရားတစ်ဆူ ဖြစ်ပါသည်။

၂၀ရာစု နှစ်များအတွင်း မွေတော်ကက္ကူဘုရား ဂေါပကအဖွဲ့ကို ဖွဲ့စည်းကာ ဆရာတော်ကြီးများ၏ သြ၀ါဒကို ခံယူပြီး ပြုပြင်ထိန်းသိမ်းခြင်းများ ပြုလုပ်ခဲ့သည်။ ထို့အပြင် တန်ဆောင်မုန်းလပြည့်နေ့နှင့် တပေါင်းလပြည့်နေ့များတွင် နှစ်စဉ်နှစ်တိုင်း ဗုဒ္ဓဇနိယ ပွဲတော်များကိုလည်း ကျင်းပလျက်ရှိသည်။